وزیر اعلیٰ پشکر سنگھ دھامی نے کماون کو ملانے والے رانی باغ پل کا افتتاح کیا۔

چیف منسٹر شری پشکر سنگھ دھامی نے جمعرات کو رانی باغ بھیمتل پدمپوری لوہاگھاٹ پنچشور راجیہ مارگ دو لین 'اے' کلاس لوڈنگ اسٹیل گرڈر پل کا افتتاح کیا جو مرکزی روڈ فنڈ کے تحت ضلع نینی تال میں 72 کروڑ روپے کی لاگت سے تعمیر کیا گیا ہے۔ اس موقع پر مرکزی وزیر مملکت برائے دفاع اجے بھٹ بھی موجود تھے۔

      وزیر اعلیٰ نے کہا کہ دو لین پل کے شروع ہونے سے الموڑہ، پتھورا گڑھ، باگیشور، چمپاوت اور نینی تال کے پہاڑی علاقوں میں جانے والے لوگوں کو کافی آسانی ہوگی۔ انہوں نے کہا کہ یہ پل کماون کی لائف لائن ہے، جس کے ذریعے کماون کا پورا کاروبار جڑا ہوا ہے۔ یہاں پر سنگل لین پل کی وجہ سے اکثر جام رہتا تھا لیکن اب اس پل کی تعمیر سے کماؤن کے پہاڑی علاقوں میں جانے والے سیاحوں کو بھی جام کی پریشانی نہیں ہوگی۔ وزیراعلیٰ نے کہا کہ اس پل پر بھاری گاڑیوں کی آمدورفت سے علاقے کی معاشی و سماجی ترقی کے ساتھ ساتھ علاقے کی ہمہ گیر ترقی ہوگی۔
واضح رہے کہ اس وقت مذکورہ پرانے پل سے تقریباً 3600 کاریں اور جیپیں، 2500 دو پہیہ گاڑیاں، 2000 چھوٹی کمرشل گاڑیاں اور 150 بسیں اور 1750 ٹرک (دو ایکسل) وغیرہ روزانہ اوسطاً 10 ہزار گاڑیاں گزرتی ہیں۔ مذکورہ دو لین اے کلاس لوڈنگ پل کی تعمیر سے ملٹی ایکسل ٹرکوں اور دیگر گاڑیوں کی آمدورفت میں اضافہ ہوگا۔

     افتتاحی پروگرام میں ضلع انچارج وزیر محترمہ ریکھا آریہ، علاقائی ایم ایل اے بھیمتل شری رام سنگھ کیڈا، شری بنشیدھر بھگت، محترم ڈاکٹر موہن سنگھ بشت، ضلع پنچایت صدر بیلا ٹولیا، بلاک چیف کملیش کیڈا اور دیگر معززین موجود تھے۔ .